ب ئارمانجا پشته‌ڤانیكرنا لیستا كوردستانی و به‌ربژێرێ پوستێ  سه‌روكاتیا هه‌رێما كوردستانێ ( مسعود بارزانی ) ئه‌ڤرو رێكه‌فتی 02/07/2009 ل هولا لژنا زاخو یا (پ.د.ك) سمیناره‌كا هه‌ڤپشك بو  هژماره‌كا ماموستایێن ئاینی ل باژێرێ زاخو هاته‌ ساز كرن ، ئه‌وا كو ژ لایێ به‌رپرسێن لقا هه‌شت یا پارتی (د.رزگار ) و به‌رپرسێ مه‌لبه‌ندێ 36 ێ زاخو یا رێكخستنێن (ی.ن.ك) به‌رێز (اسلام محمد صالح) د ڤێ سمینارێ دا به‌رپرسێن ناڤبری ئاماژه‌ ب رولێ ئولێن ئاینی كرن ژ بو هاندانا هاولاتییان بو به‌شداربوونا وان د پروسسا هه‌لبژارتنا ئه‌وا لروژا 25/07/2009 بێنه‌ ئه‌نجام دان . زێده‌باری بالكێشانده‌ سه‌ر خزمه‌ت و خه‌باتا حکومه‌تا هه‌رێما كوردستانێ و تایبه‌تی رێككه‌فتنا ستراتیژی ئه‌وا د ناڤ به‌را پارتی دیموکراتی كوردستانێ و یه‌كێتیی نیشتیمانی كوردستان مه‌زنترین ده‌ستكه‌فته‌ بو گه‌لێ كوردستانێ . هه‌روه‌سا  ژ لایه‌كێ دی ڤه‌ دووپات كر‌ كو ماموستایێن ئاینی د گوتارێن روژا ئه‌ینیێ دا بانگه‌شه‌یا هاولاتییان بێته‌ كرن ژ بو رێزگرتن ل راسپارده‌یێن كومسیونا هه‌لبژارتنان و هه‌روه‌سا ئازادیا ده‌ربرینێ و رێزگرتنا رایا به‌رامبه‌ر دا كو  بشێوه‌یه‌كێ شارستانی و دیموكراسی پروسسا هه‌لبژارتن ب سه‌ركه‌فتیانه‌ بێته‌ ئه‌نجام دان .

فه‌رهاد سندی - زاخو

هه‌موو چالاكیێن مه‌لبه‌ندی بخوینه‌