مه‌لبه‌ندێ 36 ێ زاخو یا رێكخستنێن یه‌كێتیی نیشتیمانیی كوردستان به‌یاننامه‌یه‌ك به‌لاڤكرن ب هه‌لكه‌فتا ده‌ربازبوونا شه‌ش سالال ل سه‌ر روخاندنا رژێما به‌عسا ئێراقێ ئه‌ڤه‌ ژی ده‌قێ وێ یه‌ :-

گه‌لی خه‌لكێ زاخو :-

ئازادی خوازێن كوردستانێ و ئێراقێ
بناڤێ مه‌لبه‌ندێ 36 ێ زاخو یا رێكخستنێن (ی.ن.ك) ئه‌م بهه‌لكه‌فتا بورینا شه‌ش سالان بسه‌ر ژ ناڤبرن و هه‌لوه‌شاندنا رژێما دكتاتورا به‌عسیا ل ئێراقێ گه‌رمترین سلاڤ و پیروزباهیا ل هه‌وه‌یێن هێژا دكین . هێڤیدارین ئه‌و روژا پوتێ زورداریێ ل ئێراقێ ببت دوماهیكه‌ك ژ بو هه‌موو چه‌وساندن و مه‌ترسیێن نه‌ته‌وی و سیاسی و فه‌تساندنا دیموكراسیه‌تێ و ئازادی یێ بو هه‌تا هه‌تایێ .
روژا 9/4 بیره‌وه‌ریا رزگاربونا ئێراقێ یه‌ ژ سیسته‌مێ دكتاتوری ئه‌وا زێده‌تر ژ (35) سالان ب زه‌بر و زوری خوه‌ ب سه‌رێ ئێراقێ دا سه‌پاندی و توشی كاڤلكرن و كوشتن و برینێ كری . ژ ئه‌گه‌رێ شه‌رخوازیا وی یا به‌رده‌وام دگه‌ل هاولاتیێن خوه‌ د ناڤدا و هه‌ر وه‌سا ده‌وله‌تێن دراوسێ .
ئێراق ژ ده‌وله‌ته‌كا ده‌وله‌مه‌ند به‌ره‌ڤ ده‌وله‌ته‌ك قه‌رزار و هه‌ژار ڤه‌گوهاست و هه‌می بوارێن ژیانێدا پاشڤه‌ هێلا . و ئێراق به‌ره‌ڤ رژێما عه‌شائیری و ناكوكیێن مه‌زهه‌بی ڤه‌ بر . و ب ملیونان هاولاتیێن وێ ده‌ربه‌ده‌ری هانده‌ران بوون . د گه‌له‌ك ژ وان خودان باوه‌رنامێن بلند و خودان شیان بوون دیسان ژ ئه‌نجامێ سیاسه‌تا شوفینی رژێمێ . كوردستانه‌ك پر ژ شوینوارێن سیاسه‌تا راگوهاستن . ته‌عریب و بكارئینانا چه‌كێ كیمیاوی و ئه‌نفالان پاشخو ڤه‌ هێلا . و هه‌تا هه‌تایێ وه‌كو نیشانا شه‌رمزاریێ ب ناڤ چاڤێن وێ رژێما درنده‌ ڤه‌ دێ مینت .
به‌لێ تشتێ دلخوش ئه‌وه‌ كو ئه‌و رژێمه‌ هه‌لوه‌شا و سه‌رێن وێ گه‌هشتن سزایێ خوه‌ یێ عادیلانه‌ .
ئه‌ڤێ بیره‌وه‌ریێ دگه‌ل ته‌ڤایا هێزێن دیموكراسی و ئازادیخواز ل ئێراقێ پیروز دكین . و ب سه‌ركه‌فتنه‌كا مه‌زن یا خه‌لكێ ئێراقێ دزانین .
هه‌لبه‌ت خه‌لكێ كوردستانێ سه‌ركێشیا كاروانێ ئه‌ڤێ سه‌ركه‌فتنێ كریه‌ و روه‌كێ دیموكراسیه‌تێ ل روژهه‌لاتا ناڤیندا چاندی یه‌ . له‌ورا ژ بو به‌رده‌وامیا ئه‌وێ پروسیسا دیموكراسیێ و په‌یداكرنا دادپه‌روه‌ریا جڤاكی و بنبركرنا تیرورێ كو ژ ئارمانجێن مه‌یێن سه‌ره‌كی نه‌ دێ ب موكمكرنا په‌یوه‌ندیێن هێزێن ئازادیخواز و دیموكرات ل ئێراقێ و پاراستنا ده‌ستوری دێ ب ده‌ست ڤه‌ هێن .
دیسان موكمكرنا هه‌ڤپه‌یمانیا د ناڤ به‌را یه‌كێتیی نیشتیمانیی كوردستان و پارتی دیموكراتی كوردستاندا و خوشكرنا په‌یوه‌ندیان دگه‌ل ده‌وله‌تێن دراوسێ دێ پێنگاڤێن پێویست بن . ژ بو به‌ربه‌لاڤكرنا گیانێ دیموكراسیه‌تێ د چارچوڤێ ئێراق فیدرال دا . دا كو هه‌می مافێن نه‌ته‌وه‌یی یێ خه‌لكێ كوردستانێ د ئێراقا فیدرال دا بده‌ست ڤه‌ بێن و پێكڤه‌ لژێر ئالایێ دیموكراسیه‌ت و ژیانا مه‌ده‌نی دا بژین .

مه‌لبه‌ندێ 36 ێ زاخو یا رێكخستنێن (ی.ن.ك)

9/4/2009